تعرف ايه الهدف من اسئلة ال Interview الغبية والمستفزة؟!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كتير بتروح تعمل مقابلات شخصية وتسمع اسئلة زى 10 استخد=D
امات للتفاحة غير الاكل او اقنعنى انك بلونة, او ازاى ممكن تقنع فيل ان هو نملة وهكذا
اولا اتأكد تماما ان دى مش اسئلة غبية زى ما معظمنا فاهم, لازم تعرف ايه الغرض من نوعية الاسئلة دى وبتقيس ايه بالظبط عشان تقدر تجاوب عليها,
الاسئلة دى بتنوعها واختلافها عادة بتقيس 3 حاجات:

1- قدراتك الابداعية:
زى اسئلة انك تبتكر استخدامات جديدة لاى حاجة او تعيد استغلالها.

2- قدرتك على الاقناع:
زى سؤال اقنعنى اشترى القلم ده ب 1000ج!!

3- العمل تحت ضغط:
زى الاسئلة اللى بيطلب منك تحلها فى وقت معين اقل من الواقعى عشان يشوفك هتتصرف ازاى وانت مضغوط بوقت والضغط ده ممكن يكون بوقت قليل او اسئلة مستفزة او اخش معاك فى جدال على اى موضوع,

المعلومة بقى:
ان معظم الاسئلة دى مش هدفها الاساسى انك تجاوب صح!!

لان الاسئلة دى ملهاش اجابة نموذجية وممكن تطلعلها اجابات غير محدودة.
الفكرة فى رد فعلك وازاى هتتصرف لما يسألك سؤال زى ده,
وهتعمل ايه عشان تحله؟!!
هل هتقلش فى اجابتك وهتستخف دمك,
ولا هتتنرفز وتقوله ايه الاسئلة دى,
او هتقول معرفش وتجادل فى اجابتك!
ولا هتتصرف بهدوء وتحاول تفكر برا الصندوق وتطلع اجابات تثبت بيها شطارتك.
سلوكياتك وتصرفاتك وردود الفعل اللى هتعملها اثناء اجابتك ممكن تكون اهم من الاجابة,
ولو مقدرتش توصل لاجابة!

حاول تثبت انك عندك المهارات اللى ذكرناها دى بموقف تكون محضره قبل ال Interview استخدمت فيه مهاراتك الابداعية او مهارات الاقناع فى حل مشكلة او ازاى اشتغلت تحت ضغط فى الماضى :)

ملاحظة: ممكن تقابل ناس HR بيسألوا الاسئلة دى لمجرد الروتين وانها عادة بتتسأل من غير ما يعرف ليه!
فا متفتكرش ان اجابتك علي الاسئلة دى هى اللى هتخليك تتقبل او تترفض! 

:)